Satua I Lengit


Satua bali ring sor punika, dados ida dane anggen mangda alit-alite uning carita satua bali sane sayan warsa sayan punah keajegan dane, ampunan lali ring sumber blog puniki. Suksma sampun ngerahuin blog titiang. Carita punika titiang kapupulang saking sue.

Dugase i malu ada anak muani ubuh madan I Lengit. Awinan ia adanina I Lengit kerana ia mula lengit pisan, tuara taen nyak nyemak gaen. Dugas Meme Bapane enu idup, I Lengit tuara taen nulungin magae di carike. Keto masih sabilang tundena ngudiang ngengken tuara nyak. Meme bapane setata gedeg ningalin pianakne buka keto, jeg pragat medem bangun madaar teken malali dogen gaene. Jani meme bapane I Lengit suba mati, I Lengit idup padidi. Carik lan tegalne tuara ada ane ngurus, umahne tuara ada ane ngurus, umahne moong tusing taen kedasina. Yen seduk basangne, I Lengit ngidih-ngidih ka umah anake. Mapi ada ngemaang ngidih nasi ulian pedalema, mapi awai apeteng tusing madaar. I Lengit tetep dogen lengit nulungin dewekne ane kalaraan.

Ne jani kacerita I Lengit basangne seduk. Uli ibi sanja konden madaar. Lantas ia ngojog ka umah brayane ngidih nasi. Nanging ia tuara maan. I Lengit lantas ngojog umah brayane ane lenan. Masih ia tuara maan ngidih. Makejang brayane tusing ada nyak ngemaang ngidih.

Kacerita suba sanja, I Lengit awakne lemet pisan, basangne seduk. Uli semengan basangne tuah misi yeh nyem dogen. I Lengit lantas medem di ampik umahne. Ditu ia ngeling masigsigan, nyeselin dewek tuara ada madalem. Suud ngeling nglantas ia pules makesemengan.

I Lengit ne jani gelem awakne lemet tur kebus. Lara pisan I Lengit gelem tuara ada nawang, tusing ada ngabaang ubad. Sedek keto teka kaki Jro Dukuh macelep ka umahne.

“Cening Lengit…nguda cai suba tengai konden bangun?”

“Icang gelem…., awak icange lemet uli ibi snja konden madaar. Tulungin icang, Ki!”

“Nah ne Kaki ngabaang cai nasi teken loloh. Madaar cai malu, suud keto inem lolohe ento apang tis asan awak caine!”

Buka macan nyarep kidang, I Lengit madaar sasa pisan. Capluk-capluk bungutne baan keliwat seduk basangne. Suba telah nasine lantas ia nginem loloh. Suba telah makejang mara seger asan bayune, mara ngidaang kenyem-kenyem.

“Kaki. Dadi icang matakon?”

“Apa katakonang cai?”

“Apa ke ne ngeranaang bayun icange jeg setata oon, lemet, tur tusing jaan pules. Diapin ja tiangliu madaar, tileh dogen pamuputne!”

Kaki Jro Dukuh nawang, apa ane ngawinang I Lengit buka keto. Tuara len ulian I Lengit gegaene tuah medem bangun dogen tusing taen nyemak gaen. I Lengit tuara taen mesuang bayu apabuin kenyel, ento mawinan ia tusing luung pules tur merasa oon. Kaki Jro Dukuh ngelah daya anggon ngorahin I Lengit.

“Beh…cening, ento tusing len tuah ada ane ngeraranin. Cening ngelah tegal lan carik tusing taen kaurus. Suba makelo tusing mamula padi, tur mretenin tegal. Ento mekrana cening buka kene. Jani Kaki ngorahin, garap ento carik lan tegal ceninge. Patutne mula padi, tumbegin, betengin, apang kanti nekaang hasil. Yen suba keto jeg ilang gelem ceninge ento!” keto rawosne Kaki Jro Dukuh.

“Nah Ki, yen keto icang buin mani lakar tuun magae ka carik, lakar pulain padi. Sakewala icang tusing nawang kengken patutne magae apang melah hasilne!”

“Nah…nyanan Kaki ngorahin. Kaki bareng masih magae ditu!”

Buin mani I Lengit tuun magae ke carik. Tanahne tumbegina tur matenggala. Epot pisan jani I Lengit magae di carik tur tegalne. Brayane makejang lega, I Lengit jani suba nyak magae. Yen suba sanja I Lengit merasa kenyel. Jani mara nyak lung pulesne, tusing taen ngelah bayu oon. Makelo suba I Lengit magae jani carik lan tegalne suba nekaang hasil. I Lengit liu ngelah baas tur nyuh. Nglantas ia sugih liu ngelah pipis uli ngadep baas tur nyuh.

Kendel pesan Kaki Jro Dukuh ninggalin I Lengit ia jani seleg pesan nyemak gaen, kerana ia takut buin tusing lung pulesne tur oon bayune. Mula saja yen tusing taen mesuang bayu anggon magae sinah lakar ngreres oon tur tusing luung pulese. Buinan anake ngoyong lakar tuara nekaang hasil apa.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: