Satua Bali ” Siap Selem”


2. SATUA SIAP SELEM

pic devitasriraihana.blogspot.compic devitasriraihana.blogspot.com.
Ada tuturan satua siap selem ngelah panak pitung ukud, olagan ane paling cenika. Ada kone kuuk maumah dadi anatah, masih ngelah panak enu cenik-cenik. Sai-sai I Kuuk ngae daya apang sida ia ngamah I Siap Selem, sabilang peteng ada nagih batisne, “Icang tendas Me, icang basangne Me, icang kibulne Me, icang kampidne Me, icang baongne Me.” Keto pada tetagihan panak-panakne I Kuuk, nagih ngamah I Siap Selem. Dadi mawanan ningeh I Siap Selem teken bakal kaamah, dadiannya ia ngalih upaya mangdene nyidayang matilar uli ditu.
Gelising crita panakne ane nemnem suba pada samah bulu kampidne, sakewala ane paling cenika dogen liglig reh tan pabulu. Suba kone inganan tengah lemeng, I Siap Selem matuturan teken panakne, “Nak cai-cai jani ajak makejang makeber abete sakaukud, matinggal uli dini. Yen enu pade nongos dini sinah amaha teken I Kuuk.” Ditu lantas ane paling gedene nyumuin makeber, berber, burbur, suaak. Lantas matakon I Kuuk, “Ih Siap Badeng apa ento ulung?” “Inggih, daun tingkih ipan”. Buin makeber ane lenan, berber, burbur, suaak. “Siap Badeng apa ento ulung?” “Daun tiing ipan.” Makejang panakne suba makeber sakewala enu I Olagan dogen. Dening ia tan pakampid dadi keweh pesan memenne, lantas kapituturin, “Cai dini kutang Meme, tan urungan cai lakar amaha teken I Kuuk. Nah ene pitutur Meme teken cai, yang di kadine cai bakal tagih amaha teken I Kuuk, kene abete masaut, “Inggih Jero Wayan ne mangkin kantun ben tiange belig, yang pungkuran sampun tiang gede makadi tumbuh kampid, irika ja becik ulam tiange daar jerone, keto abete masaut.” Suba kone keto I Siap Selem makeber ninggal I Olagan. Nu kone I Olagan dogen pati sulsul kiak-kiak. Lantas kadingeh teken I Kuuk I Olagan kiak-kiak padidiana.” Kenken dadi I Olagan kauk-kauk padidiana, kija ya memenne? Beh ento jenenga ane ibi sanja orahanga don tiing, tingkih, timbul, ia jenenga makeber uli dini.” Lantas nyagjag panak kuuke makejang nagih ngamah I Olagan, rencananne nagih pakpaka.” Ih Jero Wayan mangkin da tadaha tiang, ben tiange kari belig malih pahit. Pungkuran yan sampun tiang ageng, tumbuh kampid, rah tiange akeh, ri kala irika rarisang sapakayunan!” Dadiannya kaidepang teken I Kuuk, kaingon kamelah-melahang.
Critayang suba kone I Olagan, bulunyane samah, janggarne janggar pulas, tlatahne lambih, lantas kema kone kuuke makejang nagih ngamah ia. “Inggih Jero Wayan, mangkin ja nyandang sampun tiang baksa, nanging wenten pisangken tiang ring jerone, keburang dumun tiang ping solas mangda sumbrah getih tiange becik ajengang jerone malih akeh keni. Ri sampune puput ping solas tiang makebur, rarisang sampun baksa titiang!” Dadi tutut I Kuuk lantas kakebur-keburang I Olagan. “Inggih Jero Wayan mangkin malih apisan batekang pisan ngeburang!” Lantas kasangetang ngeberang kanti tegeh, bur I Olagan nambung ngalih meme nyamane di tengah bete. Enggang bungutne I Kuuk, kauk-kauk ngaukin memenne, “Kenken ja baan Meme, cai, nyai demen ngugu munyinne, jani awake payu kado, nah endepang deweke!”

17 Tanggapan to “Satua Bali ” Siap Selem””

  1. wisnu Says:

    sangat bagus semogga kedepan nanti lebih banyak satua bali

  2. eko Says:

    Bagus banget untk tambahan buat anak2 dirumah suksme

  3. gdeputu Says:

    Suksma pak, tiang masih cari database disuatu di file, tiang masih ada banyak lagi. Semoga ada manfaatnya. Biar anak kita tahu sedikit satua bali dari pada doraemon.

  4. Cahaya Says:

    Lanjutkan bos , supaya bali ajeg , pang sing sinetron merajarela

  5. I Made Wirawan Says:

    Beh, Jeg becik pisan niki, kaaturang di nuju nyirepang anak alit, asapa nika tiang dugas alit, Bapan tiange sedurunge tiang sirep, pastika bapan tiange masatwa dumun, Sane mangkin jamane sampun lianan tan wenten malih anake masatwa sedurung sirep. suksma

  6. gdeputu Says:

    Suksma pak Made Wirawan, niki arsip duwenang sareng-sareng. Dumogi alit-alite pade eling ring satua Bali.

  7. komang agus Says:

    Ngiring lestiang budayane antuk mesatua bali:-):-)mangde ajeg baliar

  8. Gus badra Says:

    Becik pisan satua puniki

  9. Ratnasari Murprayana Says:

    hmmm, artinya ngga ada ya?

  10. indri pamungkas Says:

    bagus malih satua ne

  11. alfa Says:

    artinya itu,,, pembelajaran bagi qt arus pintar dan bijaksana terhadap segala situasi

  12. agus Says:

    aq mau nyatet ah…

  13. nakbalibelog Says:

    niki wawu mesatua Bali, nak bali demen mesatua Bali, sing ada sponspor yang mau melombakan membuat satua Bali, biar lebih banyak satua bali iraga

  14. oka Says:

    suksma pak

  15. sukmayanti Says:

    yenkene yng ne kesatuang jumah baang aden tiityng
    suksma

  16. oka Says:

    suksma, sampun ngerauhin blog niki.

  17. kadek lait Says:

    ene satue elet,sane paling demenin tiang rikale mekere sirep,satue siap selem puniki kadi mangkin kari anggon titiang kenang-kenangan almarhum kakiang titiang,sane state nyatuanin mekere tiang sirep.tiang sayang kakiang tiang ring ije mangkin megenah.


Tinggalkan Balasan

Isikan data di bawah atau klik salah satu ikon untuk log in:

WordPress.com Logo

You are commenting using your WordPress.com account. Logout / Ubah )

Twitter picture

You are commenting using your Twitter account. Logout / Ubah )

Facebook photo

You are commenting using your Facebook account. Logout / Ubah )

Google+ photo

You are commenting using your Google+ account. Logout / Ubah )

Connecting to %s

Ikuti

Get every new post delivered to your Inbox.

Bergabunglah dengan 159 pengikut lainnya.

%d bloggers like this: